HAG 1:1 : IN die tweede jaar van koning Daríus, op die eerste dag van die sesde maand, het die Woord van JaHWeH deur die diens van die profeet Haggai gekom tot Serubbábel, die seun van ShealtiEl, die goewerneur van JeHûWdah, en tot JeHôWshua, die seun van JeHôWtsadok, die hoëpriester, en gesê:

HAG 1:2 : So spreek JaHWeH van die skeppings-leërmag: Hierdie volk sê: Nog het die tyd nie gekom, die tyd dat die Huis van JaHWeH gebou moet word nie.

HAG 1:3 : So het die Woord van JaHWeH dan gekom deur die diens van die profeet Haggai en gesê:

HAG 1:4 : Is dit vir julle self wel tyd om in julle betimmerde huise te woon, terwyl hierdie Huis in puin lê?

HAG 1:5 : So sê JaHWeH van die skeppings-leërmag dan nou: Gee ag op wat julle wedervaar het:

HAG 1:6 : julle het baie gesaai, maar min ingebring; julle het geëet, maar nie tot versadiging nie; julle het gedrink, maar nie genoeg gekry nie; julle het jul geklee, maar nie warm geword nie; en wie hom vir loon verhuur, verhuur hom om dit in 'n stukkende beurs te steek. [Boekrol van die Opregte 2:19 - 21]

HAG 1:7 : So sê JaHWeH van die skeppings-leërmag: Gee ag op wat julle wedervaar het!

HAG 1:8 : Klim op die berg en bring hout aan en bou die Huis; dan sal Ek 'n welgevalle daaraan hê en My gewigtig maak, sê JaHWeH.

HAG 1:9 : Julle het uitgesien na baie, en kyk, sy het min geword; en julle het haar in die Huis gebring, maar Ek het haar weggeblaas. Waarom? spreek JaHWeH van die skeppings-leërmag. Ter wille van My Huis wat in puin lê, terwyl elkeen van julle vir sy eie huis hardloop.

HAG 1:10 : Daarom het die Hemele bo julle die Dou ingehou en die Aarde het haar opbrengs teruggehou.

HAG 1:11 : En Ek het droogte oor die Aarde geroep en oor die berge en oor die koring en oor die wyn en oor die olie en oor alles wat die Adamah[adamiet se Aarde] oplewer; en oor die adamiete en oor die diere en oor alle arbeid van die handpalms.

HAG 1:12 : Toe het Serubbábel, die seun van ShealtiEl, en JeHôWshua, die seun van JeHôWtsadok, die hoëpriester, en die hele oorblyfsel van die volk gehoor gegee aan die Stem van JaHWeH hulle Elohey en aan die woorde van Haggai, die profeet, volgens die opdrag waarmee JaHWeH hulle Elohey hom gestuur het en die volk was gevul met Vrees voor die Aangesig van JaHWeH.

HAG 1:13 : Daarop het Haggai, die boodskapper van JaHWeH, kragtens die boodskap van JaHWeH, met die volk gespreek en gesê: Ek is met julle, spreek JaHWeH.

HAG 1:14 : En JaHWeH het die gees van Serubbábel, die seun van ShealtiEl, die goewerneur van JeHûWdah, en die gees van JeHôWshua, die seun van JeHôWtsadok, die hoëpriester, en die gees van die hele oorblyfsel van die volk opgewek. En toe het hulle gekom en die werk begin aan die Huis van JaHWeH van die skeppings-leërmag, hulle Elohey.

HAG 1:15 : Dit was op die vier-en-twintigste dag van die sesde maand, in die tweede jaar van koning Daríus.

This website was powered by Ewisoft Website Builder.